Yaadon ke dhundhale darpan mein
Beete har pal ki chhaya hai
Har mod pe maine jeevan ke
Kuch khoya hai kuch paya hai
Kuch antarman ki peedayen
Apne hi log na samjhe hain
Jitne suljhaye prashan yehan
Woh resham jaise uljhe hain
Kyon mann kehne ko apna hai
Jab isme dard paraya hai
Yaadon ke dhudhale darpan mein
Beete har pal ki chhaya hai
Har mod pe maine jeevan ke
Kuch khoya hai kuch paya hai
No comments:
Post a Comment